सेवापाटी संवाददाता, २०८१ चैत १७ गते

श्रीकृष्ण प्रणामी युवा परिषद् नेपाल केन्द्रीय समितिद्वारा काठमाडौंको नवतनधाममा “स्वस्थ्य जीवनशैली“ बिषयमा आधारित रहि प्रस्तुतीकरण कार्यक्रम आयोजना गरेको छ । श्रीकृष्ण प्रणामी मन्दिर, श्रीनवतनधामको ३० औं बार्षिक उत्सवको सन्दर्भमा आयोजित श्रीमत्तारमसागर १०८ पाठपारायणको अवसरमा आयोजित उक्त कार्यक्रमको उदघाटन नवतनधामका महन्त श्री १०८ पुरुषोतम महाराजजी र प्रमुख अतिथि श्रीकृष्ण प्रणामी सेवा समिति नेपालका केन्द्रीय अध्यक्ष श्यामकृष्ण शर्माज्यूबाट भयो । यहि चैत्र १५ गते भएको सो कार्यकमको अवसरमा २०८२ सालको “श्रीकृष्ण प्रणामी भित्तेपात्रो“को लोकार्पण समेत गरियो । उक्त कार्यक्रममा भक्तजन र आगन्तुकहरुको बाक्लो उपस्थिति रहेको थियो । वक्ताको रुपमा डा. बि.पि. तिम्सिनाले उचित आहार बिहार र खानपान सुधारका बारे आफ्नो प्रस्तुति दिनुभएको थियो भने अर्का वक्ता नारायण प्रसाल ढकालले जीवन उपयोगी सीप र तनाव व्यवस्थापन बारे प्रस्तुती राख्नुभयो । अन्य अतिथिहरु बाईजुराज महिला समिति नेपालका अध्यक्ष मिरा खतिवडा सञ्जेल , नवतनधाम व्यवस्थापन समितिका संयोजक श्याम केसी, परिषद्का पूर्व अध्यक्ष भोलानाथ दहाल, रामप्रसाद शर्मा, मातृका प्याकुरेल, गुरुजन घनश्याम अधिकारी, जनार्दन शास्त्री, सुवास घिमिरे लगाएत अन्य बिशिष्ठ व्यक्तिहरुको उपस्थिति रहेको थियो । परिषद्का केन्द्रीय महासचिव दिपक कार्कीले कार्यक्रम सञ्चालन गर्नुहुँदै संस्थाले गरेका कार्यहरुको बारेमा विस्तृत जानकारी दिनुभयो । यसैगरी संस्थाका उपाध्यक्ष शुसिला ढकालले स्वागत मन्तव्य राख्नुभयो । परिषद्का उपाध्यक्ष भिम प्रसाद बगालेको स्तुति गायनको प्रस्तुती रह्यो । परिषद्का केन्द्रीय अध्यक्ष कौशल फुयालज्यूको अध्यक्षतामा कार्यक्रम सम्पन्न भएको हो ।